Önundur fer með rangt mál
Önundur heldur því fram að ég hafi brugðist ókvæða við aprílgabbi hans í gær en það er ekki rétt. Raunar fannst mér það mjög skondið í sínum 10 ára húmor en mér tókst kannski ekki að koma því almennilega til skila í gegnum MSN. Af skrifum Önundar mætti ætla að ég taki mig mjög hátíðlega í læknisleiknum en svo er ekki. Ég held ég hafi verið fyrstur manna til að átta mig á að ég er fábjáni inn við beinið og ákvað bara að sætta mig við það í staðinn fyrir að vera að rembast eitthvað. Á eftir líður mér ágætlega, það er nefnilega ekkert svo slæmt að vera fábjáni. Verst að Önni er ekki búinn að átta sig á þessu.