Hvað er málið?
Af hverju bloggar enginn? Það er greinilega eftirspurn eftir bloggi því ég fæ ekki betur séð en síðan mín sé vinsæll áfangastaður brimknapa veraldarvefsins. Kannski maður reyni að seðja blogghungur vafrans með reglulegum færslum.

Uppvakning lopputoppsins kattarins hefur ef eitthvað er, dregið úr færslum kisunnar og verður að teljast líklegt að viðurnefnið “kettlingurinn” festist við hann á næstunni.

Þorgeir oflátungur hefur hægt um sig aldrei þessu vant og er ég næstum farinn að sakna bullsins í honum.

Gunni Thor segist vera spá á í að hætta. Ja bloggfærslunum hans mundi ekki fækka tilfinnanlega við það.

Heiðar skýlir sér enn á bakvið dugnað ektakvinnunnar sem er dugleg sem endranær.

Blogg kumpánanna Hjölla og Hauks eru rýrari en heilavefur ónefnds stórveldisforseta.

Elnan, Önundur og Arnór eru til fyrirmyndar sem fyrri daginn og fá öll plús í kladdann. Kannski maður fari að linka aftur á hraðaspurningamógúlinn Arnór.

Stefán Pálsson er líka duglegur en það er bara svo hrikalegt að sjá svona bráðgáfaðan og efnilegan ungan mann sökkva dýpra og dýpra í ruglið. Nú er ekki nóg með að hann kjósi Neikvæðni- og framfarastöðvunarflokk alþýðu heldur styður hann Frammara með ráðum og dáð. Stefán! Er þér illt?