Gettu betur
Það er allt að verða vitlaust út af þessu máli og menn útnefna bestu menn sögunnar á bloggsíðum hér og þar um bæinn. Ætli sé ekki best að ég nefni þá menn sem ég hef haft mest dálæti af í gegnum tíðina.

1) Besti maður í sögu GB er að mínu mati enginn annar en Sæmundur Borghyltingur sem vann næstum hljóðnemann upp á sitt einsdæmi fyrir nokkrum árum. Ótrúlega fróður drengur en jafnframt eitthvað svo viðkunnalegur og vel gerður náungi. Hann er languppáhalds hjá mér.
2) Sverrir Guðmundsson er klárlega næstbesti maðurinn að mínu mati og það er eitt sem hann hefur fram yfir alla aðra í þessari keppni fyrr og síðar en það er gífurlega víðáttumikil þekking á Íslandi - landafræði, staðháttum, þjóðsögum, sögu, bókmenntum, listum og dægurmálum. Það hefur engum tekist að toppa þetta en...
3) ...Sverrir Teitsson var ekki langt frá því. Sverrir er ekki beinlínis allra og vægast sagt með umdeildustu keppendum í sögu GB en djöfull var hann fróður mannandskotinn.
4) Haukur Eggertsson var rosalegur á sínum tíma og held ég að hann verði að fá sinn sess á þessum lista enda tókst honum að draga Versló þrjú ár í röð í úrslit með afar slaka kantmenn. Haukur er einn af þessum spurningakeppnissúpernördum sem veit allan andskotann en gallinn var sá að svörin hans voru svona einsatkvæðissvör - var ekki sérlega góður að giska í botnlangaspurningum.
5) Kjartan rauði sem var í MR liðinu með Stefáni Pálssyni á sínum tíma finnst mér koma sterklega til greina ásamt Viðari félaga mínum. Get ekki gert upp á milli þeirra. Þeir voru svona menn sem gátu farið á bjölluna og haldið ræður um allan andskotann. Það kom ekki alltaf rétt svar en mikið rosalega voru þeir samt góðir.

Besti í hraðaspurningum:
Bræðurnir Ágúst og Arnór Haukssynir eru bestu hraðaspurningamenn í sögu keppninnar að mínu mati en fast á hæla þeirra kemur Stebbi Páls.

Bestur í að tapa:
Haukur Eggertsson tapaði í þremur úrslitum í röð. Það held ég að enginn annar hafi leikið eftir.

Ofmetnustu menn sögunnar í minningunni:
Sverrir og Ármann Jakobssynir voru fyrstu spurningaubernördarnir í keppninni og margir minnast á þá í samhengi við bestu menn keppninnar en þeir kæmust varla í liðin í dag með þá þekkingu sem þeir höfðu þá. Hins vegar væri örugglega hægt að gera þá ofurmannlega með nútíma þjálfunaraðferðum.

Steinþór Borghyltingur ku vera mikið ofurmenni en ég hef því miður bara séð eina keppni með honum. Hann kemst kannski á næsta lista.

Boltinn
Góður dagur í dag. Tvö mestu hrokalið sögunnar féllu út úr meistaradeildinni í kvöld. Í kvöld var gott kvöld. Vona að ég fái að sjá Chelsea og Milan í úrslitum og þá verður erfitt að halda með mínum mönnum í Milan gegn Feita víkingnum. Ég er nú einu sinni Víkingur.