Fötin skapa manninn. Nakið fólk hefur lítil sem engin áhrif í samfélaginu.
Mark Twain

Boltinn
Skandall, djöfulsins skandall. Við töpuðum fyrir Hafnarmynninu á laugardaginn. Ég gæti grátið. Ég hef bara grátið svo mikið yfir hörmulegu gengi minna manna í vetur að “the rivers are dry” eins og skáldið mælti. Vona bara að þeir komi ekki til Íslands til að tapa fyrir skítaliðum eins og KR eða Fylki. Jæja. Þriðja sætið er altént í öruggri höfn en það þýðir annars flokks flipa á mína menn þegar dregið verður í riðla Meistaradeildarinnar í haust. Það þýðir aftur sterkari mótherjar og það merkir síðan strembnara mót. Ætlar þessum aumingjum aldrei að takast að taka sig saman og endurheimta þessa fjandans Evrópublikkdollu aftur? Er von ég spyrji?.

Metallica
Ég er í þessum töluðu orðum að melta þessa gæðahljómsveit enda stendur til að fara á tónleikana þann fjórða júlí. Ætla mér að ná í miða enda ekki á hverjum degi sem heimsfræg hljómsveit kemur hingað. Eða jú, það gerist næstum á hverjum degi í sumar: Deep Purple, Pixies, Pink, Sugababes, Damien Rice og Metallica hafa heiðrað eða munu heiðra landann með nærveru sinni þetta árið. Verst þótti mér að fá ekki miða á Damien Rice enda er hann snillingur.
Mér finnst Metallica nú ekkert stórkostlegt band en þeir eru temmilega þéttir þegar maður er í þannig skapi. Eiga líka inn á milli algerar perlur en margt af því sem læðist frá þeim er alger bílskúrshorbjóður. Lítið skárra en öskur í ölvuðum íslenskum metalböndum.