Just when I think you couldn't get any more stupid, you do something like this...
...and totally redeem yourself. Þetta er kannski notað í aðeins öðru og bókstaflegra samhengi hér en í originalnum en engu að síður hef ég skipt um skoðun á ummælum Björns Bjarnasonar um jafnréttislögin eftir að hafa lesið röksemdafærslu hans á heimasíðunni hans. Hann bendir þarna á töluvert marga galla í umfjöllun úrskurðarnefndar jafnréttismála og bendir jafnframt á það að hann hafi tekið ákvörðun sína út frá tilmælum hæstaréttar sem taldi tvo karlmenn jafnhæfa í starfið en báðir þóttu þeir hæfari en konan skv. Birni. Björn skipaði annan þeirra í starfið og tók því raunverulega ákvörðun út frá þeim upplýsingum sem hann hafði um hæfi einstaklinganna. Tek ofan af fyrir Birni fyrir greinargóð skrif og vel rökstudd en það er þveröfugt við þær stórkostlega ömurlegu fréttir sem berast af síðum Baugsblaðanna.

MUFC...
...stóðu sig ágætlega um páskahelgina og náðu sigri gegn Birmingham á útivelli eftir að Saha og Ronaldo höfðu skorað með skalla. Ótrúlegt að Ferguson skyldi samt hrósa Saha eftir leikinn því hann brenndi hátt á annað hundrað færum í leiknum - átti sinn alslakasta leik fyrir MUFC síðan hann kom í janúar. Hins vegar var gaman að sjá enn einu sinni hvað leikur minna manna breytist með innkomu hins unga Cristiano Ronaldo. Það gerist nú hvað eftir annað að þeir geta ekki rassgat en síðan kemur þessi snillingur inn á og reddar málunum. Ég er sannfærður um að á næsta tímabili á hann eftir að leika stórt hlutverk í upprisu MUFC þegar þeir hirða dolluna aftur af Rassenal mönnum.
Annar maður sem ég er orðinn mjög hrifinn af er hin tvítugi Darren Fletcher sem stóð sig frábærlega á laugardaginn. Darren byrjaði illa í haust en hefur verið að sækja verulega í sig veðrið og lék frábærlega á miðjunni á laugardaginn, barðist vel og átti frábærar sendingar inn á milli. Það er líka gaman að sjá Skerið komið á ferðina aftur. Ég er sannfærður um það að það hefur miklu frekar verið fjarvera hans en salan á Beckham sem kostaði Unitedliðið svona mikið á þessu tímabili. Menn eru kannski búnir að gleyma því að þegar Beckham var meiddur í fyrra kom frábært skeið frá mínum mönnum þar sem Solskjær lék eins og engill á hægri kantinum.

Jæja
Lesturinn kallar og ég verð að svara. Verð að klára nýrun og helminginn af innkirtlunum í dag. Þessi leti gengur ekki lengur.