Heimsókn

Við Edda kíktum á Þórhildi Örnu Kristjánsdóttur á efri hæðinni í dag. Hún er dóttir þeirra Brynju Jónsdóttur og Kristjáns Derekssonar sem bæði voru tveimur árum á eftir mér í læknadeildinni og búa hér á efri hæðinni. Þórhildur er fædd á síðastliðinn jóladag og var pínulítið að flýta sér í heiminn því hún átti ekki að fæðast fyrr en í byrjun janúar. Hún er mjög gestrisin og var alveg til í að leyfa okkur að æfa okkur. Þær stöllurnar Edda og Brynja eru farnar að plana göngutúra og fleira í sumar og ég held að það verði voðalega notalegt hjá þeim að vera svona nálægt hvorri annarri. Ætli ég segi ekki bara takk fyrir okkur.