Íbúðin

Ég svaf fyrstu nóttina í herberginu síðastliðna nótt. Fínt herbergi sem er rúmgott og ekki svo kuldalegt þegar maður er búinn að koma sér fyrir. Set myndir sem ég tók á símann minn hér fyrir neðan. Ég hjólaði líka í vinnuna í fyrsta skipti í morgunn. Það tók u.þ.b. 25 mínútur en ég hafði ekki farið þetta fyrr og fór því rólega og reyndar aðeins vitlaust líka. Þetta er líka allt upp í móti þannig að ég verð örugglega miklu fljótari heim á eftir. Svo er bara að fara út í búð að versla í matinn svo maður geti byrjað að smyrja sér nesti eins og Norðmenn virðast flestir gera. Þeir fara kannski í matsalinn einu sinni í viku í mesta lagi enda er það mjög dýrt.