Jæja! Það er komin vika síðan ég skrifaði síðast og mikið búið að gerast.

Verkefnið
Var á Ísafirði um síðustu helgi á Ársþingi íslenskra lyflækna þar sem ég kynnti niðurstöðurnar úr rannsóknarverkefninu mínu. Síðan var auðvitað drukkið hressilega að hætti innfæddra á Ísafirði.

Boltinn
Vá, hvað spáin mín var mikið bull. Ég hreinlega skeit á mig í þessu. Frakkar og Argentínumenn farnir heim en ég áleit þetta tvær sigurstranglegustu þjóðirnar. Það er ljóst að knattspyrnan í heiminum er á hraðri uppleið því nú eru þjóðir frá öllum heimsálfum að blanda sér í baráttuna. Meira að segja Bandaríkin eiga góðan séns á að komast upp úr sínum riðli. Ég held nú samt að í ljósi þess að Frakkar og Argentínumenn eru farnir heim þá verði það Brassar og Ítalir sem spili til úrslita eins og 1994 og aftur munu Brassarnir taka þetta.

Riðlar
A-riðill Danir og Senegalar (staðfest)
B-riðill Spánn og Paraguay (staðfest - þetta var rétt hjá mér)
C-riðill Brasilía og Tyrkland
D-riðill Portúgal og Bandaríkin
E-riðill Þýskaland og Írland (staðfest)
F-riðill Svíþjóð og England (staðfest)
G-riðill Ítalía og Mexíkó
H-riðill Japan og Rússland

16-liða úrslit (sigurvegarar skáletraðir)
Þýskaland : Paraguay
Danmörk : England
Svíþjóð : Senegal
Spánn : Írland
Ítalía : Bandaríkin
Brasilía : Rússland
Japan : Tyrkland
Portúgal : Mexíkó

8-liða úrslit:
Danmörk : Brasilía Brassarnir vinna en naumt þó
Þýskaland : Ítalía Ítalirnir taka þetta 1-0 að hætti hússins
Spánn : Portúgal Spánverjar vinna en það verður fullt skorað 2:3 eða 3:4
Senegal : Japan Senegal vinnur 2:1

Undanúrslit:
Ítalía : Spánn Ítalía vinnur 3:2
Senegal : Brasilía Brasilía vinnur 4:1 (Ronaldo með þrennu)

Úrslit:
Brasilía : Ítalía Brasilía vinnur 3:1